Bewara

- Béwara -

Rumpaka Nampi Kintunan Naskah

Lalayang Girimukti nyadiakeun lolongkrang ka sing saha baé anu aya karep nuliskeun pangalaman maca buku-buku Sunda, artikel atawa résénsi buku. Panjang karangan saeutikna 5000 karakter atawa tilu kaca kertas kuarto deubeul spasi (husus kanggo édisi citak). Rumpaka gaduh hak ngaropéa tulisan kalawan teu ngarobah eusina. Kanggo anu karanganana dimuat boh dina édisi citak, boh dina édisi on-line, baris dipasihan kagegelan mangrupi buku Sunda ti penerbit P.T. Kiblat Buku Utama. Kintunkeun karangan Sadérék ka é-mail lalayang_girimukti@hotmail.com atanapi lalayang-girimukti@yahoo.com

Riungan di Panglawungan Girimukti

Saban bulan, Panglawungan Girimukti ngayakeun riungan, ngobrol sabudeuran buku-buku Sunda. Kanggo informasi, perkawis waktos sareng tempat riungan, mangga kintunkeun é-mail Sadérék. Insya Alloh saban riungan bakal kénging uleman.

Hadiah Bulanan Manglé

Ieu mah husus kanggo murangkalih SD-SLTP-SMU/SMK anu gaduh karesep nyerat dina basa Sunda. Kintunkeun karya Sadérék (carpon, éséy, sajak) ngalangkungan é-mail majalah_mangle@hotmail. com. Panjang karangan (kanggo carpon sareng éséy) maksimal 4000 karakter. Karya Sadérék anu nyumponan sarat baris dimuat dina Majalah Manglé rubrik Manglé Alit/Rumaja, sarta saban bulan baris diajén pikeun meunangkeun hadiah ti Drs. H. Uu. Rukmana anu ageungna Rp. 250.000,-.